Manawela WaterFall(මානාඇල්ල)
හායි යාලුවනේ.....
කාලේකින් ආයෙත් බ්ලොග් එක ලියන්න හිතුනා
ඉතින් යාලුවනේ අද නම් මම ලියන්න යන්නේ තාක්ෂණික දෙයක් ගැන නම් නෙවෙයි.
අද මම ලියන්න යන්නේ සංචාරය කරන්න කැමති මගේ යාලුවන්ට වැදගත් වන ගොඩක් ලස්සන තැනක් ගැන...
මේ සුන්දර ස්ථානය පිහිටලා තියෙන්නේ වැලිමඩ කිට්ටුව තියන මගේ ලස්සන ගම්මානයේ.....
ඉතින් වැඩි හැදින්වීම් මොකටද මම දැන් කියන්නම්කෝ මේ තැන ගැන...
ඇත්තටම මෙය සුන්දර දියඇල්ලක් නමින් කියනවා නම් මානාවෙල ඇල්ල (Manawela Fall) මෙම මානාඇල්ල පිහිටලා තියෙන්නේ වැලිමඩ - උඩුපුස්සල්ලාව මාර්ගයේ ලූණුවත්ත නගරයට කිට්ටුව ප්‍රධාන මාර්ගයට ආසන්නයෙන් කඩා හැලෙන දියඇල්ලට ඕනම අයෙකුට පහසුවෙන් ලගා විය හැකිය.සුන්දර නිම්නයක් දිගේ ගලා යන මෙම දිය දහරාව ඇත්තෙන්ම ඉතා චමත්කාර දසුනක් මවා පායි.
වැලිමඩ නගරයේ සිට විනාඩි 30ක වැනි කාලයකින් ඇල්ලට ලගා වෙන්න පුලුවන් දියඇල්ල සංචාරකයන් අතර නම් එතරම් ජනප්‍රිය නැහැ..
ඉතින් යාලුවනේ සංචාරය කරන්න කැමති ඔයාලත් අනිවාර්යෙන්ම මෙය නරඹන්න එන්න
දියඇල්ල අවට තිබෙන නිස්කලංක පරිසරය ඉතාමත් ලස්සනයි. සුන්දර තේ යායක් මැදින් තමයි ඇල්ල කඩාහැලෙන්නේ..
පහලින් තියෙන්නේ google map එකේ දියඇල්ලේ Link එක
Mana Waterfalls, Lunuwattha https://goo.gl/maps/keaDQK6dYZs
මනාඇල්ල හා බැදුණු ජනප්‍රවාද බොහොමයක් තිබෙනවා
අතීතයේ මනාභරණ නම් ප්‍රාදේශීය රජ කෙනෙක් මේ ප්දේශය පාලනය කර තිබෙනවා එම රජු දිය නෑම සදහා මෙම ඇල්ලට නිතර පැමිණි නිසා ඇල්ලට මනාඇල්ල ලෙස නම ලැබුණු බව ජනප්‍රවාද වල පැවසේ.
තවද වලගම්බා රජසමය හා බැදුණු කතා පුවතක්ද මෙම ඇල්ල හා බැදී පවතී.
ඇල්ලට පහලින් දිය නෑම සදහා භාවිතා කළා යැයි සැලකෙන කුඩා දිය තටාක අදටද දැක ගත හැක. මෙම කුඩා තටාක වැනි වලවල් ඇත්තෙන්ම පුදුමසහගතය.
වර්තමානයේ මෙම ප්‍රදේශයේ අර්තාපල් වගාවට ඉසින කෘමිනාශක බෝතල් මෙම ජලදහරට එක් කිරීම නිසා දියඇල්ලට හා අවට පරිසරයට බලපෑම් එල්ල වී තිබේ.
ඉතින් යාලුවනේ මං ඔයාලගෙන් ඉල්ලා සිටින්නේ දියඇල්ල නරඹන්න ගොස් එහි සුන්දරත්වය විදින්න අනාගත පරපුරටද එහි සුන්දරත්වය ආරක්ෂා කරන්න අමතක කරන්න එපා.
ඇල්ල නරඹන්න යන විට ප්ලාස්ටික් බෝතල් හා පොලිතීන් රැගෙන යන්න එපා.
අපි පරිසරයේ සුන්දරත්වය විදින ගමන් අනාගත පරපුරටද එහි සුන්දරත්වය විදින්න එය ආරක්ෂා කරමු.
ස්තුතියි.
Comments
Post a Comment